Sankshipt Lokokti Evam Muhavara Kosh

Prakriti mein vyaapt muul dhvaniyon ke sanyog se shabd aur shabdon ke sanyog se bhaashaa ka nirmaan hua. Kaalaantar mein bhaasha abhivyakti maatra ka saadhan na rahakar samaaj ke saanskrtik visheshataon ko bhee ubhaarane lagee. Lekin apanee samast kshamataon ke baad bhee jab vah maanav-man kee pratyek anubhuuti ko shabd dene mein asafal rahee, to is kamee ko duur karane ke liye usane lakshana aur vyannjana ka sahaara liya. Muhaavare va lokoktiyaan usee kee baanagee hain. Muhaavaree aur lokoktiyaan kisee bhee bhaasha ke sveekrit va ruudh prayog hain. Janajeevan mein prachalit aisaa visheesh prayoog ya vaakyaansh jo lakshana ya vyanjana se arth bataayee aur ek hee bhaasha mein prayog hokar kahe gaye arth se bhinn arth bataayee, vah 'muhaavara' hai, tatha kahaavat ya lookookti ka taatparya ek aisee sampuurn vaakya se hai jo chamatkaarpuurvak sankshep mein kisee satya ya neeti ke aashay ko prabhaavashaalee dhang se prakat karata hai aur adhik samay se janajeevan mein prayukt...