Bachchon Ki Manoranjak Kahaniyan

Badee se badee kahaaniyon ka pratibimb hoti hain kahaavatein, jo maatra do tuk shabdon mein gahra arth spasht kar deti hain. Bhaasha aur kshetreey bhinnata hone ke baavajood, samaaj kee bhaavnaon se judi hone ke kaaran, ye kahaavatein aaj bhee hamare beech bahut lokapriy hain. Is pustak mein hamare samaaj mein prachalit anek kahaavatoon mein se gyanaprad aur manoram kahaaniyon ka sangrah kiya gaya hai—jaise “Jhooth ke paanv nahin hote,” “Neem hakeem khatra-e-jaan,” “Daadhi aa jaane se akal aa jaaye zaroori nahi,” aur “Aurat ka gussa khuda ka kahar,” aadi. Pratyek kahaani bachchon ko ek naaitik seekh deti hai, jiska upyog ve apne jeevan ke kisi na kisi padaav par avashya karte hain. Ye kahaaniyan bachchon se lekar buzurgon tak sabko manoranjan pradan karti hain, saath hi achhe sanskaaron aur naaitik moolyon ko samjhaakar bachchon ke gyaan ko bhi badhaati hain. #v&spublishers