Aadhunik Bhartiya Itihas Evam Samkalin Vishwa Itihas

Ateet mein ghatit huee chhoti-badi, achchhi-buri, smaraneey ya avismaraneey sabhi ghatnaayein itihaas hoti hain. “Itihaas” shabd vaastav mein ateet mein ghatee sabhi ghatnaon ke sangrah ko vyakt karta hai. Prastut pustak aadhunik Bhaarteeya itihaas evam samakaaleen vishv itihaas ke lagbhag 550 ruchikar aur gyaanparak prashnon ka sangrah hai, jo paathakon ko aadhunik itihaas ke sabhi mahatvapurn tathy aur ghatnaon se parichit karata hai. Yah pustak angrezon ke aagaman se lekar 1857 ki kranti, Bhaarteey raashtriya aandolan aur svatantrata sangraam ke sabhi charanon ko sammilit karti hai. Saath hi samakaaleen vishv itihaas jaise Yurop ka ekeekaran, Sooviyat Sangh ka vighatan aadi ko bhi sankshipt aur gyanaanavardhak prashnon ke roop mein shaamil karti hai. Yeh pustak sabhi umr ke vidyarthiyon, visheshkar civil seva ke pratyashiyon ke liye upyogi hai. Aasha hai ki in aitihasik prashnon ko hal karte hue aapko gyaan ke saath-saath manoranjan bhi prapt hoga. #v&spublishers